Hver er að þræða villigötur auðnanna inní tún svefnrofa minna?

So I couldn't shut it up for longing
I brewed another cuppa up
And tried to sneak out early in the morning.

Spúl.

Stelpurnar á Pítunni gera ekkert með ást lengur, það er lotugræðgisleg ömurð yfir öllu atgervi þeirra og framkomu.

Við dyn vatnsbílsins er ég alltaf hræddastur um að þurfað míga. Og verða þyrstur. Það er satt.

Kvöldin eru dofin og sólinn stamur, aukahæll af götunni fylgir mér og klínist í teppin og tappar á stéttinni.

Allir þessir Dedalusar James Joyce, hljóta að eiga að bera með sér einhvern harm, einhvern vaxvængjaðan harm, eða vaxborinn háspenntan boga barns harm. Eitthvert plúbbs.

Ég á fjallahjól og fæ hassperur í hausinn á morgnana, strengi í lærin upp brekkurnar. Jötnarnir af spjaldinu banka mig á fætur, kenna mér að hnýta og binda skóreimarnar á hverjum degi.

Í vöskunum er aur og matarleifar, í ristunum lauf og börn.

Ekki gjörtína garð þinn, og ekki eta hin niðurföllnu ber, gef þau útlendingum og aumingjum. Ég er Guð, Drottinn.