Hver er að þræða villigötur auðnanna inní tún svefnrofa minna?

running naked through the streets;
wired out – tired out – transcendental mental – only laughing in your sleep.
Nostalgia is starting to focus too late, imagination is starting to itch.
There ain't no rock'n roll no more just the music of the rich.
ian hunter – apathy 83

As per Erla, en hverju? Heiðursmerki!

fjórir þættir sem ég glápi á

Það er skemmtilega frá sagt orðið lítið um nokkurt svoleiðis, en í gegnum tíðina hef ég verið sérlega hrifinn af Black Books; Lipstick on Your Collar, eftir Dennis Potter, sem var tekið upp hérna heima á spólur og ég horfði oft á (sá aldrei Singing Detective þættina, þyrfti að bæta úr því); útfærslur Halldórs Gylfasonar í Stundinni Okkar á ævintýrum eru í miklu uppáhaldi. Svo horfði ég alltaf á áströlsku þættina – hétu þeir ekki Heartbreak High? – iðandi í skinninu á föstudögum áður en maður fór út á landafyllerí. Good times, góðir þættir. Og Soprano's, ég er þónokkur Soprano's maður - beið alltaf sérstaklega eftir lokalagi hvers þáttar, því það má oft lesa margt í hvað er valið, bæði varðandi hvað gerðist og mun gerast (einsog oft hér).

fjórar myndir sem ég horfi á aftur og aftur

Velvet Goldmine hef ég séð nokkrum sinnum, og þó hún sé ekkert meistaraverk, þá hef ég mikið gaman að henni. Góð músík, lúkk og leikarar. Eins Animal Factory Steve Buscemi, byggða á bók Eddie Bunker. (Athugið að í henni kemur fram Antony úr the Johnsons og flytur magnað lag, sem ég hef ekki getað nálgast nokkur staðar. Gott atriði, seeing is beliveing. Og Mickey Rourke sem drottning fangelsisins...(fangelsisins?)) Mit Liv Som en Hund er líka í uppáhaldi. Og og og og... bara Menace II Society!

fjórar bækur sem ég les oft í

Myndin af heiminum eftir Pétur Gunnarsson hafði ég lesið margoft áður en ég týndi henni. Sömuleiðis Farðu burt skuggi eftir Steinar Sigurjónsson – en núna finn ég hana ekki! Dagbók Dadda eftir einhvern, barnabækur Janosch, Riddarar hringstigans, Go now og Godlike eftir Richard Hell hef ég oft gripið í; góða bók er alltaf hægt að líta í, kíkja eftir einhverju sem heillaði mann, eða bara endurvekja kynnin. Brennu-Njáls sögu get ég opnað hvarsem er og hafið lestur. Hjartað býr enn í helli sínum eftir Guðberg Bergsson. Animal factory og Little Boy Blue eftir Eddie Bunker. On the road, og Waterloo Sunset, smásögur eftir Raymond. Fyrir stuttu endurlas ég Barnaeyjuna eftir P.C. Jersild og hafði bara gagn og gaman að því. Sífelldar tilraunir til að lesa Björn og Svein eftir Megas, gætu, með hundakúnstum, átt heima á þessum lista. Tunglið og tíeyringurinn eftir W. Somerset Maugham um “Gauguin” hef ég oft lesið. I'm on a roll! Áfram:

fjórar plötur sem ég get hlustað á endalaust

Þær verða bara fjórar! nr. 1: Stranded með Roxy Music, það næsta sem kemst fullkomnun í því fáránlega listformi “Albúm”, full af flóknu og léttu poppi, löngum og stuttum.
nr. 2: Forever Changes með Love, þó það væri ekki nema fyrir You Set the Scene. Skylduhlustun að minnsta.
nr. 3: Stormcock með Roy Harper. Bara hið kyngimagnaða Me & My Woman réttlætir veru plötunnar hér, hin þrjú(!) lögin eru þó ekkert mikið síðri, bara ekki jafn góð. Stórir textar, stærri textar, stærstu textar sem þekkjast (“I feel a finger running through my nightmares lair...”).
nr. 4: Autumn Stone með Small Faces, safnplata frá Immediate með singlum, live stöffi (frábærri útgáfu Tin Soldier og If I Were a Carpenter live). Ef það væri ekki fyrir tvo instrumentala væri hún fullkomin. Og titillagið er fokking best. Verst að það varð ma til þess að Small Faces lögðu upp laupana.

En það er margt ótalið. Úff. Á maður að gera svona upp á milli barna?

[auka: fjögur lög sem ég hef spilað allt upp undir tíu sinnum í röð]

nr. 1: Back To Stay með John Martyn af London Conversation;
nr. 2: A Matter of Time með Junior Byles af Beatdown Babylon: The Upsetter Years;
nr. 3: Only With You með Beach Boys af Holland, besta ástar[játningar]lag allra tíma?;
nr. 4: I Really Live 'Round Here (False Friends) með Kevin Coyne af Dynamite Daze, í gær, uppgötvaðist í gær!

Og þá er nú samt enn margt ótalið.

fjórar heimasíður sem ég skoða daglega

Music Babble, vel valin blögg, Hotmailið og Kinks síðuna hans Dave Emlem (sérstaklega undanfarið í ljósi nýskeðs).

fjórar uppáhalds máltíðir

Flatbrauð með hangikjöti, mömmu pizzur, rónaréttinn minn - sem enginn annar borðar (nei, ekki bónus rauðvín og spítt) - og Falafel máltíðirnar sem við Arna smíðuðum, mitt eigið djúpsteikingarhandbragð raunar frómt frá sagt - enn betri því það er ei meir kannski.

fjórir sem ég næli í (frjáls mæting)

Arna
Helga
Þórdís
og hinn mæti Chris Willie Williams.
---

Jamm.