Hver er að þræða villigötur auðnanna inní tún svefnrofa minna?

and while the grasses is a growing, lord knows,
all the horses is a starving, yeah.
But now me know, it's a universal,
universal tribulation.
gregory isaacs

Jæja, Gísli Marteinn vann. Ekki verð ég þeim megin í vor. Helvítis Sjálfstæðismennirnir höfðu þó sans til að bola honum í annað sætið.

Þessi Hlemmurplús Dags, er til að æra óstöðugan (fyrir utan að hann hefur nær algjörlega snúið mér frá því að vera Bergþóruson, sem mér hefur þó hugnast lengi, lengi). En ég er svosem alltaf öfugu megin og á skjön við allt, mér lyndir ekki við rassgat. I could talk, talk, talk, talk, talk myself to death...

Þoli ekki þetta miðjumoð, hálfgildings velferðarkerfi og rólegheita einkavæðingu, innantóm orð; æ, gefið mér sult og seyru, seljið allt undan okkur! ég þoli ekki þessa ól kapitalismans, sem er svo lausbundin um háls mér: hengið mig fyrir sannleikann.

Eða vitum við ekki öll, að þetta er bara plat? Sjáum við rétt andlit, passa þau við búkinn? Leika þau eins, hugsunin og höndin?

Svona saddur, einsog ég er, þá hlýt ég að íhuga. Já.

Hengið mig fyrir sannleikann, – auðvitað mun ég skíta á mig – en ég skal fyrr blakta einsog fáni, en kjósa í borgaralegum kosningum aftur.

Og ef þetta er ekki samningur frammi fyrir heilagri Gnægð og Munað, þá bið ég ykkur samt að votta, að þið skiljið að ég var með fullu viti þegar mér var sem mest umhugað um körfuboltamyndir, eða Kinks-plötur, g-funk eða hvað sem er, ríða, verða rithöfundur, hvernig sem ég kom þér fyrir sjónir, hvað sem ég hef asnast til að segja, að ég er með fullu viti þegar þið lesið þetta. Að þegar ég heng þá komið þið og sjáið, fagnið með mér.