Hver er að þræða villigötur auðnanna inní tún svefnrofa minna?

little things would slowly go askew.
If I was with a woman I'd make her quite unhappy,
specially when she did not want me to.
ian dury

Var að hlusta á New Boots & Panties, með Ian Dury, í fyrsta sinni síðan fyrir kannski; og minnst; sex, sjö árum. Það er ólíklegara en ég finni sætan þef í bráð, að ég hafi skilið krónupening af henni þá, þrátt fyrir að hafa haft hana í uppáhaldi á vínyl-hirðandi Meðalholts-árunum. Amk man ég ekki bofs eftir henni, andlega, né að ég hafi tekið hana inná mig meir en bara myndirnar af honum, Ian Dury. Ég reyndi nefnilega að kópera klæðaburðinn, sem mest ég mátti, á þeim árum. (Þessi modd-þjófa-róna búnaður, hann er enn sá sem mér finnst sá flottasti í bransanum. New boots and panties!)

Helst hefði ég viljað skilja að ráði þennan texta sem ég póstaði að ofan, úr “If I Was With a Woman” – það hefði gert líf mitt auðveldara. Ef þið, háfróðu herralingar, rétt skoðið hann, er vísast þið náið inntakinu. Þessi snúningur á kynverunni, er ágætur, frábær jafnvel; mér í kvöld! Hefði ég skilið hann þá, þennan leik, hefði ég ekki fengið taugaáföll galore, ekki leitað huggunar í bókum sem æstu mig bara, kannski getað einbeitt mér að öðru, skólabókum eða ein-kvað. Ekki brutt mig niður, grammað mig upp seinna meir. Tottað Panpípuna í morgunsárið, í kulinu. Eða þá skaf, þegar það var þurrkur. Happiness is a warm gun; ég skil það enn í dag bara þannig.

Elsku strákar, hlutverkin eru 'sett', laungu búið að ráða í þau. Finnið plötuna, gangist upp í þessu bölvaða kjaftæði. Máske verður það gaman, ó! reimið einsog með allt á hornum ykkar, ef ég segi satt, með tilvísan til meistara Dury, er leikurinn orðinn að djók sem þið eruð með í. Brosið mun, lofa ég, ekki sundra ykkur heldur sameina, því lofa ég, þó svörtustu himnar skáldanna lumi viðbúnir eða vígbúnir jafnvel. Blikið okkar, þúst...

Hei, strákar, þetta er bara fótboltaleikur, sem stelpurnar fá að vera með í, ef við sameinumst í einu raunverulegu 'knowing smile'. Persónulega lofa ég því; “og vítin eru til vita um þau, til að geta varast þeim”.