Hver er að þræða villigötur auðnanna inní tún svefnrofa minna?

Standi fólk almennt klárt á því að Brísingamen Freyju sé “útúrflippaðasta” bók sem skrifuð hefur verið á íslensku, er það þá geggjaðra, enn ruglaðra, að endursegja bókina alla á ca. 30 síðum og mest í beinum tilvitnunum með útúrsnúningum? Sbr. Prísundarmen og Frjóvu, læsir í stað æsa og loks Rækjunes!

Kannski var það fyndnara; víst var það laust við alvöru. En þá hverfur geggjunin, því dregin í litríkt guffagrín er það bara það, hratt grín en flatt. Já, hér eru valtir tíglar í stað pýramída – fellur um sjálft sig. Hver er apinn, spyr maður sig frammi fyrir textanum. Og raunar gagnvart öllum verkum höfundar sem ég hef kynnst.

Sem er freklegur djókur í huga mér. Það er afrek samt, beggja vegna svarsins.