Hver er að þræða villigötur auðnanna inní tún svefnrofa minna?

Orðið tírætt í dag um fjarlægðir hvernig ekkert nú á dögum er orðið nógu langt í burtu í gamla daga og það er ekki langt síðan það var nú orðið amk var svo dýrt að hringja milli landshluta að ég heyrði örsjaldan í pabba mínum um ævina raunar þér að segja núna allir eru í kallfæri og ekki hægt að rembast við muna augnlit einhvers bara tjékkar á því og alltaf einsog þú hélst því þú segir það aldrei upphátt og þá er það ekki satt

allt að vita innan seilingar það er ekki hægt að gleyma

né reyndar sakna af einhverjum krafti meir og þar liggur skáldskapurinn grafinn allri þessari helvítis nálægð í henni er ekki neitt rúm fyrir söknuð og þá enga ímyndun það er ekki hægt að rembast bara tjékka

allt að vita rétt innan seilingar það er ekki hægt að gleyma aldrei og ekkert gerist.